"Chelsi" Pepni olib keladi

«Chelsi» klubi «Rayo Valyekano» tarkibida o‘ynayotgan chap qanot himoyachisi Pep Chavarryani o‘z safiga qo‘shib olish bo‘yicha muzokaralarni davom ettirmoqda.

Madrid klubi avvaliga 28 yoshli futbolchi uchun londonliklar taklif etgan birinchi summani qabul qilmagan edi. 

Shuningdek, «Chelsi» bu bilan to‘xtab qolmadi: jurnalist Sebast’yen Vidal ma’lumotiga ko‘ra, angliyaliklar yangilangan, yuqoriroq taklif bilan yana muzokara stoliga qaytdi. Hozircha tomonlar o‘rtasidagi muloqot davom etmoqda.

Transfermarkt portali mutaxassislari Pep Chavarryaning bozor qiymatini 10 million yevro atrofida baholamoqda. 

O‘tgan mavsumda ispaniyalik himoyachi «Rayo Valyekano» safida barcha musobaqalar hisobga olinganda 44 ta o‘yin o‘tkazdi, bir bor gol urdi va uchta golli pas muallifiga aylandi.