“Челси” Росеньорни бўшатди

"Челси" жамоаси бош мураббийи Лиам Росеньорни ишдан бўшатди, деб хабар бермоқда клуб расмий сайти.

Инглиз мутахассис январь ойида "Страсбур"дан "Челси"га ўтган. Мураббийнинг клуб билан амалдаги меҳнат шартномаси 2032 йилгача имзоланган эди.

Англия чемпионатидаги 34 та ўйиндан сўнг "Челси" 48 очко жамғариб, турнир жадвалида еттинчи ўринни эгаллаб турибди. Турнирда "Арсенал" етакчилик қилмоқда, жамоа 33 ўйиндан сўнг 70 очкога эга.