Лондоннинг “Челси” клуби дарвозабони Матей Делач жамоадан кетиши ҳақида эълон қилди.

25 ёшли хорватиялик дарвозабоннинг сўзларига кўра бунга Англияда ишлаш учун руҳсатнома олиш билан боғлиқ муаммолар сабаб бўлган.

Қайд этиш лозимки, Делач айни дамда “аристкоратлар” сафидаги футболчилар орасида клубда энг узоқ вақтдан буён бирга бўлиб келаётган футболчи ҳисобланади.

Transfermarkt сайтининг маълум қилишича «Челси»  Делачни 2010 йил «Интер Запрешич» клубидан 2,7 миллион фунт эвазига сотиб олган.

Эътиборлиси, ўтган 7 йил ичида Делач бирор марта ҳам “Челси” таркибида майдонга тушмаган. Лондонликлар уни ўтган давр мобайнида 10 марта ижарага беришган.