Дарвозабоннинг зўри ким?

“Манчестер Юнайтед”нинг афсонавий дарвозабони Петер Шмейхель ҳозирги пайтда Англия Премьер-лигасида энг яхши посбон кимлигини айтди.

Даниялик мутахасиснинг фикрига кўра, ҳозир Англия чемпионатида “Манчестер Сити” аъзоси Эдерсонга етадигани йўқ экан.

- Эдерсон АПЛнинг энг зўр дарвозабони. У энг муҳим сэйвларни амалга оширишда ва ҳужумчилар билан “бирга бир” чиқишда беназир.

Алисон ҳам бор, лекин у оёқда яхши ўйнай олмайди. У йўл қўяётган хатоларни Эдерсонда кўрмайиз. Мана шу жиҳат улар ўртасидаги асосий фарқ ҳисобланади, - деди Петер Шмейхель.

Эдерсон 2017 йилдан бери “Манчестер Сити” дарвозасини қўриқлаб келмоқда. Бразилиялик голкипер бу вақт мобайнида 340 та учрашувда қатнашиб, 264 та тўп ўтказиб юборган.