Даврон Файзиевнинг "Қўқон-1912"даги тақдири ҳал бўлди!

Муваффақиятсиз мавсумдан кейин Суперлигани тарк этган “Қўқон-1912” клубида ўзгаришлар бўлиши табиий. Кеча клуб президенти сифатида ишлаган Григорий Айрапетовнинг кетгани эълон қилинди. Тез орада жамоага янги президент тайинланади.

Бундан ташқари, бош мураббий масаласи ҳам мухлисларни қизиқтирмоқда. Sports.uz сайтига маълум бўлишича, про лигада ҳам жамоани Даврон Файзиев бошқаришда давом этади. “Қўқон-1912” тез орада янги мавсум учун тайёргарлигини бошлайди.

Ҳозирга қадар жамоани Иван Йосович, Славко Лукич, Ойбек Рустамов, Шохназар Норбеков ва Қувондиқ Рўзиев расман тарк этишган. Қолаверса, Билолхон Тошмирзаевнинг ижара муддати тугагани сабабли “Турон” клубига қайтиб кетган.