Дембеле “Барса”дан нега кетганини айтди

Ёзги трансферлар вақтида “Барселона” етакчиси Усмон Дембеленинг “Пари Сен-Жермен”га ўтиб кетгани кутилмаган ҳолат бўлди.

Парижликлар унинг  шартномасидаги банддан фойдаланиб, 50 миллион евро эвазига трансферни амалга оширди.  Франциялик ҳужумкор футболчи бу ҳолатга изоҳ берди.

- ПСЖ менга Дортмунднинг “Боруссия”сида ўйнаб юрганимдан бери қизиқиб келарди. Лекин ўшанда менинг мақсадим “Барселона”га ўтишдан иборат бўлган. Парижликлар билан 2019 йили музокара қилинган, кейин бу иш ўтган ёў такрорланди.

Клб хўжайини Нассер Ал-Хелаифий менга клубга керак эканимни айтди ва улар тақдим қилган лойиҳа маъқул келди.

Мен “Барса”да қолмоқчи эдим. Лекин ПСЖ билан лойиҳани муҳокама қилганим фикримни ўзгартирди, - деди Усмон Дембеле.