Дембеле Мессининг рекордини янгилади

Франция чемпионатининг 24-тур доирасида ПСЖ "Лилль" устидан 4:1 ҳисобида йирик ғалаба қозонди. Париж клубининг голларидан бирини Усмон Дембеле киритди.

Франциялик футболчи учун бу гол жорий йилда 18-си бўлди. Бу XXI асрда 1-мартгача урилган энг яхши натижа ҳисобланади. Дембеле Лионель Мессининг рекордини ортда қолдирди. 2016 йилда Месси "Барселона" сафида 1-мартгача 17 та гол урган эди.

Ушбу учрашувдан кейин Луис Энрике шогирдлари Франция чемпионатидаги етакчилигини мустаҳкамлади. ПСЖ 62 очко жамғариб, иккинчи ўриндаги "Марсель"дан 16 очко олдинда бормоқда.