Денис Коростиченко: "Ҳисоб адолатли бўлди"

Суперлигада 18-турида "Олимпик" ўз майдонида "Металлург"ни қабул қилди ва 1:1 ҳисобида дуранг ўйнади. Беллашувдан сўнг жамоа бош мураббийи Денис Коростиченко матбуот анжуманида иштирок этди.

- Биринчи навбатда йигитларга кўрсатилган характер учун ташаккур билдираман. Умуман олганда, мағлубиятга лойиқ эмас эдик. Айниқса, иккинчи бўлимда яхши ўйнадик. Йигитларга бугун бироз тезлик етишмади. Менимча, ҳисоб адолатли бўлди. 

- "Олимпик"даги биринчи расмий ғалабангизни қўлга киритишингизга нима тўсқинлик қилмоқда? 

- Билмадим, ҳаммаси жойида. Машғулотларда йигитлар яхши ишламоқда. Менимча, биринчи гол киритмаётганимиз руҳий босим юкламоқда. Биз ўртоқлик ўйинида "Сурхон"ни енгдик. Биринчи бўлиб гол урганимиздан сўнг ўзимизга ишониб ҳаракат қилдик. Бугун биринчи бўлимда йигитлар бироз чўчиб ҳаракат қилди. Ғалабанинг қадри баланд бўлгани учун. Ўйлашимча, биринчи гол уришимиз керак.