Deyan Lovren final oldidan kim g‘olib bo‘lishini taxmin qildi

Sankt-Peterburgning “Zenit” klubi va Xorvatiya terma jamoasi himoyachisi Deyan Lovren bugun bo‘lib o‘tadigan Argentina - Frantsiya terma jamoalari o‘rtasidagi jahon chempionati final uchrashuvida qaysi jamoani favorit deb hisoblashini aytdi.

Turnirning yarim finalida Argentina terma jamoasidan mag‘lub bo‘lgan (0:3) Lovrenning fikricha, bo‘lajak uchrashuvda frantsuztslarda g‘alaba qozonish imkoniyati ko‘proq.

Eslatib o‘tamiz, “uch ranglilar” to‘rt yil avval Rossiyada bo‘lib o‘tgan jahon chempionatida g‘olib chiqqandi. O‘z navbatida Janubiy Amerika jamoasi 1986 yildan beri jahon chempionligini qo‘lga kirita olmayapti.

“Menimcha, Frantsiya favorit. Ammo ular to‘rt yil oldin chempion bo‘lishgan, keling, Argentina ularga qanday qarshilik ko‘rsatishi mumkinligini ko‘raylik", - dedi Lovren Match TV telekanaliga bergan intervyusida.

Argentina - Frantsiya uchrashuvi bugun Toshkent vaqti bilan 20:00 da boshlanadi.