Дибала "Рома"да қолади

"Рома" аъзоси Пауло Дибала фаолиятини Саудия Арабистонида давом эттириши кутилаётганди. У "Ал-Қодисия" клубига ўтишга яқин келди, лекин футболчи сўнгги дақиқаларда жамоа таклифини рад қилди, дея хабар бермоқда инсайдер Фабрицио Романо. 

Маълум бўлишича, ҳужумчига 3 йиллик шартнома учун 75 миллион евролик таклиф берилган. Аммо у Италияда қолишга қарор қилди. Аргентиналик форварднинг ўзи ҳам буни расмий саҳифаси орқали эълон қилди. 

Эслатиб ўтамиз, Дибала "Рома"га 2022 йили келиб қўшилди. У ўтган мавсум жамоаси таркибида 39 та ўйинда майдонга тушиб, 26 та голда иштирок этди. Футболчининг шартномаси 2025 йилгача амал қилади.