Диллион Денис: “Ислом Махачев менга ташланиб, бошимга етти марта зарба берганди”

Ярим оғир вазнда MisFits чемпиони Диллон Денис ирландиялик дўсти Конор Макгрегор ва россиялик Хабиб Нурмагомедов тўқнашувида содир бўлган жанжални эслаб ўтди. Дениснинг таъкидлашича, UFC собиқ чемпиони Ислом Махачев жангдан кейин окатгон ташқарисига сакраб тушган ва унга ҳужум қилиб, бошига бир неча марта мушт туширган. 

"Ўшанда Ислом октагондан сакраб чиқиб, бошимга етти марта зарба берганди. Шу боис энди қасос олишга рухсат беринг. Мен Махачев билан жанг қилмоқчиман. Гарчи ўша воқеа сабаб миллионларни ундириб олишим мумкин бўлса-да, мен ҳеч қачон UFC ни судга бермаганман", - дея Дениснинг сўзларини келтирди "Red Corner MMA".

Эслатиб ўтамиз, Хабиб "UFC 229" турнирида Конорни 4-раундда сабмишн орқали таслим этганди.