Dzyudo. O‘zbekiston terma jamoasi Avstriyaga jo‘nab ketdi

Dzyudo bo‘yicha O‘zbekiston terma jamoasi ham bugun yilning ilk o‘quv-mashg‘ulot yig‘inida qatnashish uchun Avstriyaga jo‘nab ketdi.

Mitterzill shahrida tashkil etiladigan ushbu yig‘inda 50 dan ortiq mamlakatdan tashrif buyuradigan sportchilar o‘zaro tajriba almashishadi. Rejaga ko‘ra, hamyurtlarimiz 16-yanvarga qadar Avstriya yig‘inida bo‘lishadi.

Mazkur safarga Diyora Keldiyorova, Muzaffarbek To‘raboev, Alisher Yusupov kabi Parij-2024 yozgi Olimpiya o‘yinlari qahramonlaridan tashqari terma jamoadan chaqiriq olgan 10 nafardan ortiq yosh sportchi jalb etilgan.