ЕЧЛ. "Интер"дан камбэк, "Барселона"да эса йирик ғалаба

Хабарингиз бор, жорий йилдан ўйинлар икки хил вақтда бошланмоқда. Дастлабки ўйинлар Тошкент вақти билан соат 22:00 да бошланаётган бўлса, қолган учрашувлар 00:00 да старт олмоқда.

Ҳозиргина эса 22:00 да бошланган икки беллашув ўз ниҳоясига етди. Мусобоқанинг "Б" гуруҳида кураш олиб бораётган "Барселона" Голландиянинг ПСВ жамоасини 4:0 ҳисобида мағлуб этди.

Гуруҳдаги иккинчи ўйин эса Миланда кечди. Унда маҳаллий "Интер" клуби "Тоттенхэм" билан қийин ўтган беллашувда ирода намойиш этиб, 2:1 ҳисобидаги ғалабага эришди.