Элдор Шомуродов Олимпиадага боради(ми)?!

Ўзбекистон миллий терма жамоаси сардори Элдор Шомуродов Daryo интернет нашрига берган интервьюсида Париж-2024 Олимпиада ўйинларида иштирок этиши мумкинлиги ҳақида гапириб ўтди.

“Бу борада ҳаммаси 100 фоиз ҳал деб айта олмайман, чунки бу борада ҳозирча терма жамоа бош мураббийи Тимур Кападзе билан гаплашганим йўқ. Лекин мураббий билан ҳам, қолаверса “Рома” раҳбарияти билан ҳам бу борада гаплашиш лозим. Барчаси ижобий ҳал бўлади деган умиддаман. Шахсан ўзим Олимпиадада иштирок этишга қарши эмасман”, - деди Шомуродов.

Маълумот учун, Ўзбекистон олимпия терма жамоаси мусобақанинг “C” гуруҳида Испания, Миср ва Доминикан терма жамоаларига қарши баҳс олиб боради.

Эслатиб ўтамиз, бундан аввалроқ миллий терма жамоамизнинг бошқа бир етакчи аъзоси Жалолиддин Машарипов ҳам таклиф бўлса, Олимпиадада иштирок этишга розилигини маълум қилган эди.