Endi o‘ynash uchun kurashish ham kerak

“Manchester Yunayted” bosh murabbiyi Ruben Amorim ikki yildan beri jamoada o‘zini ko‘rsata olmayotgan markaziy hujumchi Rasmus Xyoylundning jamoadagi o‘rni haqida gapirdi.

Daniyalik hujumchi “Milan” yoki Evropaning boshqa klublariga o‘tishga harakat qilayotgani ortidan murabbiylar shtabi tomonidan Angliya Premer-ligasining birinchi turi uchun qaydnomaga kirtilmadi.

“Manchester Yunayted” yaqinda 74 million funt sterling evaziga Benjamin Sheshkoni o‘z safiga qo‘shib oldi.  Amorim shu tariqa markaziy hujumchilar orasida jiddiy raqobatni yuzaga keltirdi.

- Endi Rasmus Xyoylund tarkibdagi o‘rni uchun kurashishga majbur. Nima bo‘lishini ko‘ramiz. Xyoylundda xuddi Benjamin Sheshkoda shakllangan sifatlar bor. Ayrim uchrashuvlarda ulardan birini tanlashimio‘ga to‘g‘ri keladi, - dedi Ruben Amorim.