Энцо Фернандес "Барса" ва "Реал" ўртасида танлов қилди

Энцо Фернандес «Барселона» таклифини рад этди. «Челси» ярим ҳимоячиси Энцо Фернандеснинг келажаги борасидаги миш-мишлар янада кучайди. Бир неча кун аввал «Барселона» аргентиналик футболчини ўз сафига қўшиб олишни режалаштираётгани ҳақида хабарлар тарқалган эди.

Футбол оламидаги манбаларга кўра, «Барселона» спорт директори Деку Энцо Фернандеснинг агентлари билан алоқага чиққан. Аммо ярим ҳимоячи Каталония клубига ўтиш вариантни дарҳол рад этгани айтилмоқда.

Маълумотларга қараганда, Энцо Фернандес учун энг мақбул йўналиш сифатида «Манчестер Сити» ёки «Реал» клублари кўрилмоқда. 

Шу билан бирга, «Челси» раҳбарияти футболчи бўйича тушадиган таклифларни кўриб чиқишга тайёр, аммо бунинг учун камида 140 миллион евро атрофидаги сумма таклиф этилиши кераклиги таъкидланмоқда.