Эплолмадинг, Англиядан кет!

Англия терма жамоасининг собиқ футболчиси Жо Коул “Манчестер Юнайтед”нинг қимматбаҳо легионери Антони Премьер-лигани тарк этиши кераклигини таъкидлади.

Антони янги мавсумда “Брайтон”га қарши бир неча дақиқа тўп тепди холос. Асосий таркибдаги жойини тўлиқ йўқотган.

Манчестерликлар бу ўйинчини”Аякс”дан 95 миллион еврога олган. Лекин уч мавсумдан бери ўйини очилмаяпти.

- Антонининг муаммоси у фақат Нидерландия лигасига мослашганлигида. Менимча, у Англия Премьер-лигаси талабларига мослаша олмаяпти. Аслида техникаси кучли, маҳоратли ва иқтидорли ўйинчи.

Ўйлашимча, Антони клубдан кетади, “Юнайтед” ҳам хайрлашишга тайёр. Антонининг ёши катта эмас ва яқин келажакда яна юқори чўққига чиқиши мумкин. У кўпроқ бошқа лигаларга мос тушади, - деди Жо Коул.