Европаликлар Ҳусановдан ҳайратда!
Ўзбекистон миллий терма жамоаси ҳимоячиси Абдуқодир Ҳусанов “Манчестер Сити” Англия Премьер-лигаси, УЕФА Чемпионлар лигаси ва ички кубок мусобақаларида қандай натижа қайд этишидан қатъи назар, ўзи иштирок этган учрашувларда юқори савияда ўйин намойиш қиляпти.
Европанинг нуфузли манбалари ўзбек футболчисидаги ўсишга этибор қаратди. Sports.uz портали машҳур нашрларнинг Абдуқодир Ҳусанов ҳақида ёзган маълумотларини ўзбекистонлик футбол ишқибозлари эътиборига ҳавола этади.
Хусусан, “Манчестер Сити” ҳимоячиси Абдуқодир Ҳусанов Британиянинг машҳур нашри Sky Sports томонидан мақтовга сазовор бўлди. Ушбу манба мутахассисларини ўзбек футболчисининш Англия лига кубоги финалида “Арсенал”га қарши ўйини ҳам ҳайратга солди.
SKY SPORTS:
Ҳусанов ўз позициясига қайтишда ажойиб тезликни намоён қилди. Виктор Дьёкерешга бирорта ҳам имконият бермади. Қисқа фурсатда рақиб билан бирга-бир вазиятларда ишончли ўйин намойиш қилиш бўйича Премьер-лиганинг энг яхши ҳимоячиларидан бирига айланиб бормоқда.
MANCHESTER CITY NEWS:
Абдуқодир Ҳусанов ривожланаётган ҳимоячи эмас, у жаҳон даражасидаги ўйинчи. Ҳусанов учрашувдан учрашувга энг яхши ўйинларини кўрсатмоқда.
Унда жуда катта тезлик бор. Унинг позиция танлаши ҳар доим тўғри бўлиб чиқяпти. Абдуқодирнинг вақтни ҳис қилиши ҳам мукаммал.
Ҳусанов яккакурашларда кучли, босим остида хотиржам шйнайди ва ўйинни жуда яхши ўқийди. Унда ҳама нарса бор.
Баъзан шундай туюладики, у битта қоида билан яшайди: “Сен мендан ўта олмайсан!”.
Ёш бўлишига қарамай, Абдуқодир қўрқмас ўйинчи. У дунёнинг энг яхши ҳужумчиларига қарши ўйнаб, ҳатто катта ўйинларда ҳам хотиржамлигини сақлай олади.
“Арсенал”га қарши баҳсда у майдондаги энг яхши футболчилардан бири бўлди. У ҳатто сариқ карточка ҳам олди, лекин бу уни тўхтатмади. Бизнинг “ўзбек деворимиз”нинг келажаги порлоқ.
TOPSKILLS SPORTS UK:
Тасаввур қилинг, сиз Ўзбекистондансиз, бу футбол ҳали ривожланаётган мамлакат. 19 ёшингизда Франциянинг Лига 1 турниридаги “Ланс”га ўтдингиз.
Сўнг инглиз тилини умуман билмасдан “Манчестер Сити” билан шартнома имзоладингиз ва Пеп Гвардиоланинг жуда талабчан ўйин услубига тезда мослашишга мажбур бўлдингиз.
Абдуқодир Ҳусанов “Уэмбли”да бўлиб ўтган Англия лига кубоги финалида асосий таркибда майдонга тушди, дарвозасини дахлсиз сақлади, майдондаги энг яхши ўйинчилардан бири бўлди ва Виктор Дьёкерешни тўлиқ ёпиб ташлади.
Ва буларнинг барчаси уч йилга ҳам етмас вақт ичида содир бўлмоқда. Ажойиб юксалиш.
Эслатиб ўтамиз, Абдуқодир Ҳусанов Англия лигаси кубогини қўлга киритиб, Европадаги фаолияти давомида илк совринига эга чиқди.
Фикрлар