Фаолиятини якунлаган Варан ўзига зўр иш топди

Яқинда тиззасидаги жароҳати сабаб фаолиятини якунлаган Рафаель Варан ўзига янги иш топди.

31 ёшли собиқ футболчи Италиянинг “Комо” клубининг директорлар кенгаши аъзосига айланди. Бу ҳақида клубнинг матбуот хизмати хабар берди. Янги лавозимда Варан ёш футболчилар билан ишлайди. Уларнинг ривожланиш жараёнида ўз ҳиссасини қўшади.

Эслатиб ўтамиз, мавсум бошида франциялик ҳимоячи "Комо" футболчиси сифатида таништирилган эди. Афсуски, Рафаель биринчи ўйиндаёқ жароҳат олиб фаолиятини якунлашга мажбур бўлди.