Файзуллаев Европанинг энг кучли жамоаларида тўп тепмоқчи

ЦСКА ярим ҳимоячиси Аббосбек Файзуллаев келажакда Европа клубида ўйнаш орзуси борлигини тан олди. Бу ҳақда легионеримиз россиялик журналист ва шарҳловчи Нобел Арустамянга берган интервьюсида таъкидлаб ўтди.

- Келажакдаги фаолиятингизни қандай тасаввур қиласиз? Сиз ЦСКА ўйинчисисиз, лекин "Бавария" ҳақида бежиз гапирмадим, сабаби маълумотларга кўра, сиз Ўзбекистон терма жамоасида ўйнаганингизда "Бавария" скаутлари сизни кузатишган экан.

- Ҳозирда ЦСКАдаман ва шартномам бор, аммо доимо Европада ўйнаш мақсадим бўлган. Вақти келганда Европанинг энг кучли жамоаларида ўйнашни хоҳлайман.

- Шомуродов "Ростов"га 100 минг ёки 150 минг еврога ўтди. Ҳусанов Белоруссия клубига 200 минг еврога ўтган. Сиз эса, менимча, 500 минг еврога ўтдингиз. Шомуродовнинг энг юқори нархи "Ростов"да 3-4 йил ўтиб 20 миллион евро, Ҳусановники эса 3 йилдан кейин 45 миллион евро бўлди. Сиз ҳозирнинг ўзида қанчага баҳоланасиз?

- Ҳозирми? Тахминан 8 миллион евро бўлса керак. 50-75 миллион еврогача кўтарилишим мумкин. Балки 100 миллион ҳам бўлар. 2 йилдан кейин нима бўлишини ҳеч ким билмайди, - деди Файзуллаев.