Файзуллаев Олимпиадага бора олмаслиги мумкинми?

Ўзбекистон терма жамоасини ЖЧ-2026 саралаши доирасида Туркманистон ҳамда Эронга қарши учрашувлар кутиб турибди. Айни вақтда термамиз "ЖАР" стадионида машғулот олиб бормоқда. Бугунги машғулотлар олдидан Аббосбек Файзуллаев журналистларни қизиқтирган саволларга жавоб берди: 

- Эртага қизиқарли ўйин бўлади, деган умиддаман. Вазифани бажариб бўлдик, аммо мухлисларимиз кўз онгида яхши ўйин кўрсатиб, 3 очко қўлга киритишни мақсад қилганмиз. 

- Клубингизда май ойининг энг яхши футболчиси бўлдингиз ва охирги пайтларда сиз ҳақингизда рус нашрлари кўп ёзмоқда. Келажагингиз ҳақида ўзбек нашрларига ҳам нимадир илина оласизми?

- Келажагим ҳақида ҳеч нарса айта олмайман. Сабаби, ЦСКА билан шартномам бор. Ҳозир терма жамоадаман ва асосийси терма жамоада яхши ўйин кўрсатиб, кейин эса дам олиш. 

- ЦСКАда бош мураббий ўзгаргани ҳақида нима дея оласиз?

Бош мураббий ўзгарганини кеча билдим. Клуб шу қарорга келган ва мен бу ҳақда ҳеч нарса дея олмайман. Шундай бўлса-да, Федотов билан ишлаганимдан жуда ҳам хурсандман. Сабаби, у ЦСКАга борганимда менга катта ёрдам берди ва жамоага қўшилиб кетишимга асосий сабабчи инсонлардан бири ҳисобланади. 

- Россияда мавсум июль ойида бошланади. Бу Олимпиадага боришингизга халақит бермайдими ёки қандайдир келишув амалга ошдими?

- Ҳали Олимпиада ҳақида гаплашмадик. Федерация билан клубимиз келишса, худо хоҳласа Олимпиадага бормоқчиман. 

"Бунёдкор" стадиони сиз учун бегона эмас. Мухлислар 

- Менимча, терма жамоанинг ҳар битта ўйини мухлислар учун байрам, деб ўйлайман. Эртага ҳам келиб, қўллаб-қувватлаб туришса, бу бизга кайфият ҳамда куч беради. Эртага уларнинг келишини ва қўллаб-қувватлаб туришини истайман. Худо хоҳласа, яхши ўйин кўрсатиб, ишқибозларга ғалаба тақдим этамиз. 

Абдураҳмон Фазилов билан Iphone 14 мавзуси нима бўлди? 

У менга шарт берганди, аммо шартни бажара олмадим (кулади). Эртага ўхшайди, деган умиддаман. 

Абдураҳмон Фазилов: 

- Мен ҳозир Iphone 14 бера оладиган ҳолатдамасман. Аббосга ҳаммани олдида айтаман. Кеча уни машинасининг балони тешилиб қолибди. Эртага Файзуллаев гол ёки ассист амалга оширса, ўйин тугаши билан 4 та янги шина "Бунёдкор" стадионининг автотураргоҳида сени кутиб туради.