ФИФА: ЖЧ-2018 ўйинларини Ер шарининг тенг ярми томоша қилган

Ёзда Россия яшил майдонлари мезбонлик қилган жаҳон чемпионати ўйинларини Ер сайёрасининг тенг ярим аҳолиси томоша қилгани аниқланди.

ФИФА расмий сайтининг хабар беришича 4 ёшдан катта бўлган 3,572 миллиард инсон телевизор орқали ушбу мундиални кузатиб борган. Хорватия ва Франция терма жамоалари ўртасидаги финал баҳсини эса 1,12 млрд инсон тўғридан-тўғри томоша қилган.

ЖЧ-2018 учрашувлари телетрансляцияларининг ўртача аудиторияси эса 191 миллион томошабинни ташкил этган.