Либертадорес Кубогининг финалида "Фламенго" клуби Аргентинанинг "Ривер Плэйт" жамоасини мағлубиятга учратди.

Бразилияликлар ҳужумчиси Габриэл Барбоза беллашувнинг 89 ва 92-дақиқасида голлар киритиб, жамоасига чемпионликни тақдим этди.

Яна бир қизиқ томони, учрашувда 2 та гол урган Барбоза ва "Ривер Плэйт" футболчиси Паласиос 90-дақиқада майдондан четлатилишди.

1998/99 мавсумидаги Европа Чемпионлар Лигаси финалидаги ссенарийни эслатиб юборувчи беллашувда аргентиналиклар 14-дақиқада гол уриб, ҳисобда олдинда боришаётган эди. Ёдингизда бўлса ЕЧЛнинг 1998/99 йилги финалида ҳам "Бавария" МЮни 1:0 ҳисобида ютаётган паллада сўнгги дақиқаларда инглизлар 2 та гол киритиб, чемпионликни илиб кетишган эди.

Маълумот учун, финалда дубль қайд этган Габриел Барбоза "Интер" футболчиси ҳисобланади. У "Фламенго" сафига мавсум охирига қадар ижарага ўтган.

Либертадорес Кубоги

Финал

"Фламенго" (Бразилия) – "Ривер Плейт" (Аргентина) 2:1 (0:1, 2:0)

Голлар: 0:1 – 14 Борре, 1:1 – 89 Габриэл Барбоза, 2:1 – 90 Габриэл Барбоза.

"Фламенго" – Диего Алвес, Родриго Кайо, Мари, Рафинья, Филипе Луис, де Арраскаэта (Пирис, 90), Эвертон Рибейро, Арао (Витиньо, 86), Жерсон (Диего, 66), Габриэл Барбоза, Бруно Энрике.

"Ривер Плейт" – Армани, Пинола, Каско (Диас, 77), Монтиель, Паласиос, Мартинес, Перес, Фернандес (Альварес, 69), де ла Крус, Борре (Пратто, 75), Суарес.

Огоҳлантиришлар: Каско (30), Суарес (45), Мари (54), Перес (71), Рафинья (80), Габриэл Барбоза (90).

Четлатишлар: Паласиос (90), Габриэл Барбоза (90).