Флик: "Барселона" 2025 йилда катта прогресс қилди"

"Барселона" бош мураббийи Ханс-Дитер Флик Испания кубоги ярим финалида "Атлетико"ни 1:0 ҳисобида мағлуб этгандан кейин жамоанинг сўнгги вақтлардаги ўсиши ҳақида фикр билдирди. 

"Биз жасур ўйин намойиш этдик. Фақат битта гол урдик, лекин бу бизга финалга чиқиш учун етарли бўлди. Ҳар бир футболчи бу натижадан ғурурланиши керак."

Флик "Атлетико" майдонида ғалаба қозонишнинг қийинлигини таъкидлаб, ўз шогирдларининг сўнгги ойда катта ўсишга эришганини айтди:

"Биз яхши ишладик. Сўнгги бир ой ичида анча кучайдик. Рождество танаффусидан кейин жамоа анча катта прогресс қилди. Футболчилар биз танлаган услубга ишона бошлади" - дея ўз фикрлар билан ўртоқлашди германиялик мутахассис.

Маълумот ўрнида, Флик бошчилигидаги "кўк-анорранглилар" 26 апрель куни Карло Анчелоттининг "Реал"и билан куч синашади.