Флик "Ньюкасл"дан нималар кутгани ва Рэшфорднинг дубли ҳақида ўз фикрларини билдирди

"Барселона" бош мураббийи Ханс-Дитер Флик Чемпионлар лигаси 1-турида "Ньюкасл"га қарши ўйин (2:1) ҳақида фикр билдирди.

"Бу фантастик атмосфера эди. Биз "Ньюкасл"нинг қанчалик интенсив ўйнашини кўрдик. Биз шуни кутгандик. Биз ўзимизга ишончли бўлдик ва кучимизга ишондик. Мавсумни уч очко билан бошлаш жуда муҳим. Ўтган мавсумда биз "Монако"га ютқазгандик (1-турда). Бу эса бизга янада кучлироқ бўлишга ёрдам беради".

Рэшфорднинг дубли ҳақида:

"Биз ҳар доим унинг бундай ўйинини машғулотларда кўрамиз ва буни бугун ҳам кўрдик. Мен унинг учун хурсандман. Ҳужумда бизда кўп яхши футболчилар бор ва у улардан бири. У бизга кўпроқ имконият беради. Рэшфордга эга бўлганимиздан хурсандман. Бу икки гол Маркуска кейинги қадамни қўйишда жуда ёрдам беради. Унинг ўзини ишончли ва яхши ҳис қилиши жуда муҳим. Бу голлар унинг кейинги босқичлардаги ҳаракатлари учун беқиёс аҳамиятга эга", - дея таъриф бериб ўтди германиялик мутахассис.