Флик ВАРни кескин танқид қилди

"Барселона" бош мураббийи Ханси Флик ЕЧЛ 1/4 финал босқичида "Атлетико"га (0:2) қарши ўйиндан сўнг ҳакамликдан норози эканини билдирди.

Баҳс давомидаги баҳсли вазиятлардан бирида "матрасчилар" ҳимоячиси Марк Пубиль жарима майдонида тўпни қўли билан тўхтатган.

Фликнинг фикрича, бош ҳакам Иштван Ковач ушбу эпизодда пенальти белгилаши ва рақиб футболчисига иккинчи сариқ карточка кўрсатиши керак эди.

"“Атлетико” футболчиси иккинчи сариқ карточка олиши ва пенальти бўлиши керак эди. Марказий ҳимоячи тўпга қўл теккизди, лекин ҳеч ким буни кўрмади. Унда ВАРнинг нима кераги бор? Буни тушуна олмайман", — деди Флик.

Маълумот учун, жавоб учрашуви 14 апрель куни Мадридда бўлиб ўтади.