Француз клуби ўз юлдузини Роналдунинг олдига жўнатмоқчи эмас

"Ан-Наср" "Марсель" ҳужумчиси Мэйсон Гринвуд трансфери бўйича француз клуби билан келиша олмаяпти. 

Аввалроқ, Саудия клуби "Марсель" вингерига қизиқиш билдираётгани ҳақида хабарлар тарқалган эди. Трансферда МЮда Гринвуд билан бирга ўйнаган Криштиану Роналду асосий роль ўйнаши мумкин.

Журналист Бен Жейкобснинг маълум қилишича, "Марсель" футболчини сотмоқчи эмас. "Ан-Наср" бундан кейин ҳам ҳаракат қилишда давом этадими ёки Гринвуднинг ўзи Саудия Арабистонига кўчиб ўтишга тайёрми, ҳозирча номаълум.

"Манчестер Юнайтед" футболчининг трансфер суммасининг 50 фоизини олади.

Ўтган мавсумда Гринвуд Лига 1да 34 та ўйин ўтказиб, 21 та гол урган ва 5 та голга ҳаммуаллифлик қилган.