Futbol tarixidagi eng g‘alati jarohatlar

Futbol va jarohat so‘zi doim yonma-yon keladi. Futbolchilar muntazam ravishda o‘yinda yoki mashg‘ulotlar paytida jarohat oladi, lekin ba’zida aqlga sig‘maydigan jarohatlar ham bo‘lib turadi.

Quyida eng g‘alati va g‘ayrioddiy jarohatlarni eslab o‘tamiz. 

Karlos Tevez

2018 yilda argentinalik futbolchi “Boka Xuniors” safida harakat qilardi. Forvard qamoqxonadagi o‘gay akasidan xabar olishga qaror qiladi, u erdan futbolchi mushaklari shikastlangan holda qaytadi. Bunga ikki variantni ko‘rsatishadi - u mahbuslar bilan futbol o‘ynagan yoki qamoqxonadagi mushtlashuvga aralashgan. Har holda, Teves taxminan uch haftani o‘tkazib yuboradi. Bu esa "Boka" murabbiylar shtabini g‘azablantirgandi.

Alan Rayt

Bo‘yi atigi 163 sm bo‘lgan Rayt Angliya futboli tarixidagi eng past bo‘yli himoyachilardan biri hisoblanadi. U mashinasining gaz pedaliga eta olmay qolgani uchun tizzasining bog‘lamidan jarohat olgan. 

Deyv Bizant

"Chelsi"ga qaytgan darvozabon asosiy o‘yinchi bo‘lish uchun ikkinchi imkoniyatga ega bo‘ldi. Ammo idishdagi sous uning rejalariga halaqit berdi. Deyv bankani yuqoriga otib, oyog‘i bilan tutmoqchi bo‘ldi. Kavanozning hajmi ikki kilogramm edi - bu esa uning barmog‘i sinishiga sababchi bo‘ldi. Bizant esa "Chelsi" asosiy tarkibiga muqim joylasha olmadi. 

Marko Asensio

Ispaniyalik futbolchi “Real” safida Kiprning “APOEL” jamoasiga qarshi o‘yin oldidan oyog‘ining tuklarini tozalash vaqtida terisini qirib olgani uchun bellashuvni o‘tkazib yuboradi. U qandaydir yo‘l bilan infektsiya yuqtirib oladi, Assensio hatto geytrisini ham kiyolmaydi. 

Shinji Kagava 

Yaponiyalik iste’dod sohibi “Manchester Yunayted” safida muvaffaqiyatli o‘ynab keta olmadi, biroq ortiqcha ovqatlanishi bilan tarixda qoldi. “Everton”dan uchralgan mag‘lubiyatdan so‘ng u ovqatni qalampir bilan iste’mol qilishga qaror qildi, lekin miqdorni haddan tashqari oshirib yubordi – u shunchalik ko‘p ovqatlangandiki, shifokorlar uning oshqozonini yuvishga majbur bo‘lgan. 

Devid Betti

"Lids" sobiq yarim himoyachisining ikki yoshli o‘g‘li uch g‘ildirakli velosiped bilan otasining tovonini bosib oladi va Devid bir necha kun mashg‘ulotlarda qatnasha olmaydi.