Gimnastika. Osiyo chempionatining navbatdagi kuni ham terma jamoamiz uchun muvaffaqiyatli bo‘ldi

Filippin mezbonlik qilayotgan badiiy gimnastika bo‘yicha yoshlar va kattalar o‘rtasidagi Osiyo chempionatining navbatdagi kuni ham O‘zbekiston terma jamoasi uchun omadli o‘tdi. Bugungi bellashuvlarda terma jamoamiz g‘aznasi 2 tadan oltin va kumush medallari bilan boyidi.

Mahoratli sportchimiz Taxmina Ikromova ayni paytda kattalar toifasida qit’amizda tengsiz ekanini isbotladi. Hamyurtimiz ko‘pkurash dasturida eng yuqori ball bilan Osiyo chempionligini rasmiylashtirdi. Yoshlar toifasida halqadagi mashqda Anastasiya Saransova ham shohsupaning eng yuqori pog‘onasiga ko‘tarildi. Qolgan ikki kumush medal yoshlar toifasida qo‘lga kiritildi. To‘p bilan mashqda Natalya Usova, shuningdek, 5 arg‘amchi bilan guruh mashqida o‘z dasturini namoyish etgan qizlarimiz ikkinchi pog‘onani egallashdi.

Manba: MOQ