Гвардиола “Барса”га трансферимни барбод қилди!

“Манчестер Сити”нинг ўнг қанот ҳимоячиси Ян Коуто айни пайтда Испания чемпионатида ижара асосида “Жирона” шарафини ҳимоя қилмоқда.

Бразилиялик  футболчи 2020 йили “Барселона”га ўтишга жуда яқин келганини, бироқ Хосеп Гвардиоланинг қўнғироғи унинг фикрини ўзгартирганини таъкидлади.

- Мен ўшанда Бразилия ёшлар терма жамоаси сафида жаҳон чемпиони бўлгандим. Кейинроқ “Бавария”, “Манчестер Сити” ва “Барселона” қароргоҳларида бўлиб, бу клублар фаолияти билан танишдим.

Мен “Барселона”га ўтишимга амин эдим. Кейин менга Гвардиола қўнғироқ қилди. Суҳбатимиз ҳамма нарсани ўзгартириб юборди, - деди 21 ёшли ҳимоячи Ян Коуто.

Айни пайтда “ЖИрона”да ўйнаётган бразилиялик футболчи 15 та учрашувда қатнашиб, ҳимоядаги вазифаларини бажаришдан ташқари голлар ҳисобини ҳам очди.