Harri Keyn o‘ziga boshqa jamoa tanladi

  • 24 mart, 10:31
  • Zohir Toshxo’jayev
  • 0
  • Futbol
CHERY AUTO

“Bavariya” to‘purari Harri Keyn faoliyatini Angliya Premer-ligasida davom ettirish masalasiga jiddiy e’tibor qarata boshladi.

El Nacional nashrining ma’lum qilishicha, 31 yoshli markaziy hujumchi faoliyatining so‘nggi bosqichini o‘z yurtida o‘tkazishni istayapti.

Aslida Harr Keynga anchadan beri Angliyaning eng qudratli klublari qiziqish bildirib keladi. Biroq ular orasida “Liverpul”ning imkoniyati yuqori baholanmoqda. Arne Slot tajribali forvardni yuqori maqsadlarga qaratilgan loyihaning asosiy figurasiga aylantirishga tayyor.

Liverpulliklar aynan Harri Keyn atrofida yangi jangovar tarkib shakllantirmoqchi. Chunki jamoaning Muhammad Saloh, Virjil van Deyk, Trent Aleksander-Arnold, Luis Dias, Darvin Nunes kabi etakchi o‘yinchilari yozda boshqa klublarga ketishi kutilmoqda.

Harri Keyn “Bavariya”ga 2023 yilning yozida ko‘chib o‘tgan. Angliyalik hujumchining yagona maqsadi uzoq yillik faoliyatidagi birinchi sovrinni qo‘lga kiritishdan iborat.

Garchi myunxenliklar Keyn bilan 2027 yilning yarmigacha davom etadigan shartnomaga ega bo‘lsa-da, transferda futbolchining tanlovi muhim ahamiyat kasb etadi.

Fikrlar

Sort comment:
Fikr qoldirish uchun avtorizatsiyadan o'ting!