Икки боксчидан бири Сауль "Канело" Альвареснинг мажбурий рақибига айланади

Биринчи ўрта вазн тоифасида собиқ жаҳон чемпиони Хайме Мунгуия (44-1, 35 КО) ва мағлубиятсиз серия қайд этаётган Кристиан Мбилли (28-0, 23 КО) 2025 йилнинг биринчи ярмида иккинчи ўрта вазн тоифасида WBC йўналиши бўйича жаҳон чемпионлиги учун расмий даъвогарга айланиш мақсадида жанг қилади. Бу ҳақда Бутунжаҳон бокс кенгаши томонидан Германияда бўлиб ўтган конгрессда эълон қилинди.

Ушбу тўқнашув ғолиби ҳозирда мазкур дивизионда WBC, WBА Super ва WBО чемпионлик камарларига эга бўлган мексикалик юлдуз  Сауль "Канело" Альвареснинг мажбурий рақиби бўлади.

Эслатиб ўтамиз, Альваресь 2024 йилнинг май ойида Мунгуия билан жанг қилган ва якунда ҳакамларнинг якдил қарорига кўра ғалаба қозонганди.