Икки чемпион биттада уч футболчини савдолашди

Англия Премьер-лигаси ғолиби “Арсенал” Туркия чемпиони “Галатасарой” жамоаси билан бир нечта футболчининг эҳтимолий трансфери бўйича музокаралар олиб бормоқда, деб хабар беради CaughtOffside нашри.

Истанбул клуби бразилиялик қанот ҳужумчиси Габриэл Мартинеллини сотиб олишга қизиқмоқда ва унинг учун аллақачон қарийб 45 миллион евро таклиф қилган. Аммо 25 ёшли футболчининг ўзи Туркия чемпионатида фаолиятини давом эттиришга унчалик қизиқмаяпти ва Лондонда қолишни афзал кўрмоқда.

Томонлар, шунингдек, “Арсенал”нинг 19 ёшли  тарбияланувчиси Итан Нванерининг трансферини ҳам муҳокама қилган. Англиялик футболчи ўтган мавсумнинг иккинчи ярмини Франциянинг “Марсель” клубида ижара асосида ўтказди ва энди “Эмирейтс”ни бутунлай тарк этиши мумкин.

Музокаралар давомида “Галатасарой” ҳужумчиси Виктор Осимхен масаласи ҳам кўтарилган. Нигериялик футболчи аввал ҳам бир неча бор “канонирлар” қизиқиш доирасига тушган эди. “Арсенал” футболчилари Осимхен бўйича эҳтимолий битимга қўшилиши ҳам истисно қилинмаяпти.