Иньеста Испания терма жамоасида энг кўп ўйин ўтказиш борасида 4-ўринга кўтарилиб олди

Яқинда Япониянинг “Виссел Кобе” клуби билан шартнома имзолаган ярим ҳимоячи Андрес Иньеста кеча Испания терма жамоаси сафида Швейцарияга (1:1) қарши ўтказилган ўртоқлик баҳсида иштирок этди.

Эътиборлиси, ушбу ўйин 33 ёшли футболчи учун терма жамоа сафидаги 126-ўйин бўлди. У бу кўрсатгич борасида Андони Субисарретага тенглашиб олди.

Маълумот учун, “қизил фурия” таркибида Иньестадан фақатгина Хави (133), Серхио Рамос (151) ва Икер Касильяс (167) каби футболчилар боришмоқда.   

Матнда хатолик топсангиз, ўша хатони белгилаб, бизга жўнатинг (Ctrl + Enter)