Инфантино: "Месси тенгсизлигини кўрсатди"

ФИФА президенти Жанни Инфантино Аргентина терма жамоаси сардори Лионель Мессига жаҳон чемпионати кубогини топшириш чоғида нималар деганини айтди, Месси ниҳоят бутун фаолияти давомида кўзлаган мақсадига эришди. 

"Мессидек футболчига кубокни топшириш ақл бовар қилмас жараён. У тенгсизлигини кўрсатди. Футболни севадиган ҳар бир инсон ўзига хос сенсацияларни бошдан кечирган бўлиши табиий. Бу дамларни унутмайман", - деди ФИФА президенти.

Эслатиб ўтамиз, Аргентина терма жамоаси 1978 ва 1986 йиллардан кейин учинчи марта жаҳон чемпиони бўлди. Месси мусобақанинг энг яхши футболчиси деб топилди.