Иниго Мартинес Ачербига қилган ҳаракати ҳақида гапирди

"Барселона" УЕФА Чемпионлар лигасининг ярим финалида "Интер"га қарши жавоб беллашувидан сўнг Иниго Мартинес Франческо Ачербига нисбатан қилган ҳаракати ҳақида фикр билдирди.

Мазкур баҳснинг биринчи бўлимида “Барса” ва “Интер” футболчилари ўртасида тортишув юз берди. Чалханоглу пенальти уддалаганидан сўнг Ачерби голни нишонлаб ўтаётганида Мартинес унга қараб туфлади. Аммо бош ҳакам Шимон Марчиняк эпизодга баҳо бермади ва карточка кўрсатмади.

– У 2:0 ҳисобини нишонлар экан, қулоғимга бақирди. Менинг ҳаракатим керак эмас эди, бунга розиман. Лекин мен у томон туфлаган бўлсам-да, у ҳолатда унга тегмаганман. Агар текканида эди, ҳакам мени майдондан ҳайдаган бўларди. Мен буга шубҳа қилмайман, – деди испаниялик ҳимоячи учрашувдан кейин.