"Inter" Lautaroga yangi kelishuv taklif qilmoqchi

"Inter" rahbariyati jamoaning argentinalik forvardi Lautaro Martines "Barselona"ga berib qo‘ymoqchi emas.

Tuttosport nashri ma’lumotiga ko‘ra, "neradzurrilar" rahbariyati 22 yoshli futbolchi bilan yangi kelishuv imzolash niyatida.

Ayni vaqtda argentinalik forvard Milanliklar safida 6 million evro maosh olmoqda, yangi shartnomada ushbu raqam sezilarli darajada ko‘tarilishi mumkin.

Oldinroq, Martines xizmatlariga "Barselona" qiziqish bildirayotgani, biroq transfer koronavirus pandemiyasi keltirib chiqargan moliyaviy yo‘qotishlar sabab amalga oshmay qolishi mumkinligi xabar qilingan edi.