Иско аввалгидек эмас!

Испания терма жамоаси бош мураббийи Луис де ла Фуэнте ярим ҳимоячи Исконинг терма жамоага қайтиши мумкинлиги ҳақида гапирди.

"Иско - формада бўлганда ажойиб футболчи. У жорий мавсумда жуда яхши ҳаракат қилмоқда. Бу йигит ўн йил олдингидек эмас. Иско ўзгарди ва ҳозир жуда қаттиқ ишламоқда", - дея 62 ёшли мутахассиснинг сўзларини келтирди "AS" нашри.

Иско Испания терма жамоасидаги сўнгги ўйинини 2019 йилнинг ёзида ўтказган ва ўшанда "қизил фурия" Швецияни 3:0 ҳисобида ишончли мағлуб этган эди.

31 ёшли хавбек ҳозирда "Бетис"да ўйнамоқда. Жорий мавсумда у 18 та ўйинда майдонга тушиб, 3 та гол урди ва 3 та голли узатмани амалга оширди.