Испан гранди: Холанд келамаса, ўрнига иккита тўпурар оламиз!

“Барселона” келаси ёз ҳужум чизиғини кучайтириш мақсадида катта трансферларга қўл уришга тайёргарлик кўрмоқда.

Каталонияликлар асосий нишон сифатида “Манчестер Сити”дан кетиши мумкин бўлган Эрлинг Холандни белгилаган.

Бироқ бу трансфернинг амалга ошмай қолиш эҳтимоли жуда катта. Чунки “Манчестер Сити” ўз тўпурарини осонликча қўйиб юбормайди. Қолаверса, Холандга ПСЖ ва “”Реал” каби гранд клублар ҳам жиддий даъвогарлик қиляпти.

Sun Sport нашри каталонияликлар Холанд трансфери ўхшамаган тақдирда бошқа икки форвардни олишга ҳаракат қилишини ёзмоқда. Унга кўра, “Барселона” Англия Премьер-лигасида ўйнаётган Александр Исаак (“Ньюкасл”) ва Дарвин Нуньес (“Ливерпуль”) каби тўпурарларни кузатадиган бўляпти.

Каталонияликлар 25 ёшли ҳар икки ҳужумчининг трансфери учун 65-75 миллион евро атрофида харажат қилишига тўғри келади.