Истомин
Ads

АҚШнинг Индиан-Уэллс шаҳрида "мастерс" сериясига кирувчи мусобақанинг квалификация босқичи якунланди. Қувонарлиси, унда ҳамюртими Денис Истомин асосий даврага йўлланма олди. 

Саралашнинг иккинчи босқичида теннисчимиз беларуслик Егор Герасимовга қарши кортга чиқди. 1 соат 17 дақиқа давом этган баҳсда юртдошимиз 6:4, 6:4 ҳисобларида устун келди. Истомин бунгача мезбон Эван Сонгни мусобақадан чиқариб юборган эди.

Қуръа натижасига кўра, Денис асосий тўрнинг биринчи даврасида голландиялик Робин Хасе билан рақобат олиб боради. Истомин шу пайтгача Хасе билан 3 марта тўқнаш келиб, барчасида мағлуб бўлган. Умид қиламизки, тенинсчиси шу гал қора анъанага барҳам беради.

Маълумот учун, Индиан-Уэллс мусобақаси “мастерс” сериясига кирувчи турнирлардан бири бўлиб, ғолиб 1000 рейтинг очкосига эга бўлади. Мусобақанинг соврин жамғармаси эса 9.314.875 АҚШ долларини ташкил этади.