Жаҳон чемпионати олдидан "Реал"ни жиддий тақвим кутмоқда

Қатарда бўлиб ўтаётган Жаҳон чемпионати сабаб бу мавсум клублар, айниқса, Чемпионлар лигаси иштирокчиларини қийин тақвим кутмоқда. ЕЧЛда гуруҳ босқичи сентябрь ойининг биринчи ҳафтасида бошланди ва салкам икки ой давом этади. Мадриднинг “Реал” клуби гуруҳдаги ўйинларини 2 ноябрь куни "Бернабеу"да “Селтик”га қарши баҳс билан якунлайди.

Октябрь ойида Ла Лига етакчисининг тақвими жуда қийин бўлади, Карло Анчелотти жамоасини 27 кун ичида 9 та ўйин кутиб турибди. 2 октябрь куни “қаймоқранглилар” ўз майдонида “Осасуна”га қарши ўйин ўтказади, кейин яна Мадридда Чемпионлар лигаси доирасидаги баҳсда “Шахтёр” билан (5 октябрь), Ла Лигада “Хетафе”га қарши сафарда (8 октябрь) кейин ва яна “Шахтёр” билан Варшавада (11 октябрь) ўйин ўтказади.

Тиғиз тақвимдан сўнг мадридликларда мавсумнинг илк "эл-классико" учун 4-5 кунлик қисқа танаффус пайдо бўлади. Ўйин 15 октябрдан 16 октябрга ўтар кечаси "Бернабеу"да ўтказилади. Бу “қаймоқранглилар” учун нафақат “Барса” билан принципиал бўлгани, балки пойтахт клубининг олдинги учрашувдаги йирик ҳисобдаги мағлубияти (0:4) туфайли ҳам алоҳида ўрин тутади.

Карло Анчелотти шогирдлари "эл классико"дан кейин дарҳол "Эльче" майдонига ташриф буюришади (19 октябрь) кейин эса ўз майдонида "Севилья"ни қабул қилишади (23 октябрь). Айтиш керакки, бу мадридликлар учун собиқ бош мураббий Хулен Лопетегига қарши яна бир муҳим ўйин кутиб турибди. ЕЧЛ доирасидаги "Лейпциг"га қарши баҳс 25 октябрда бўлиб ўтади, "Жирона" эса "Бернабеу"га 29 октябрдан 30 октябрда ўтар кечаси ташриф буюради.

Қатардаги Жаҳон чемпионати олдидан "Реал"ни яна учта ўйин кутиб турибди: "Селтик"ка қарши ўз майдонида (2 ноябрь), кейин сафарда "Райо Вальекано" билан ўйин ўтказади (6 ноябрь). Шунингдек, "Кадис" билан Мадридда яна бир муҳим беллашув кутиб турибди (9 ноябрь). Шу тариқа, "қироллик клуби" Жаҳон чемпионати олдидан 5 ҳафта ичида жами 11 ўйин ўтказади. Мадрид гранди Ла Лига ва Чемпионлар лигасида юқори ўринларда қолиши учун ушбу баҳсларда максимал очко тўплаши талаб этилади. Бу эса кўплаб муаммоларни келтириб чиқариши тайин. Сабаби ўйинчилар қандай ҳолатда сафга қайтишини ҳеч ким билмайди.

Жамшидбек Маҳмудов тайёрлади