Кантени ватанига чорлашмоқда

Лондоннинг "Челси" клуби ҳамда Франция терма жамоаси ярим ҳимоячиси Н'Голо Канте ёзги трансферлар даврида жамоасини ўзгартириши мумкин.

Британия нашрларининг ёзишича 27 ёшли франциялик футболчига ПСЖ клуби жиддий қизиқиш билдирмоқда. Ўтган ҳафта парижликлар спорт директори Кантенинг агенти билан учрашган ва унинг трансфери бўйича гаплашган.

Маълумот учун, Канте якунланган мавсум жами 55та учрашувда иштирок этган ва ўз ҳисобига 1та гол ҳамда 1та голли узатма ёздириб қўйишга эришган.