Каролин Возняцки: Менга уқалаш ва кечки таом керак
Даниялик Каролин Возняцки Янги Зеландиянинг Окленд шаҳрида хотин-қизлар ўртасида ўтказилаётган мусобақанинг чорак ҳамда ярим финал баҳслари бир кунда ўтказилгани боис у бироз толиққанлиги ҳақида гапириб ўтди.
“Тўғриси мен жуда чарчадим. Янги мавсум жуда оғир бошланди. Турнирнинг илк учрашувида мен бел ва оёқларимни сездим, ундан сўнг эса икки кун дам олишга тўғри келди. Бугун эса эрталаб уч сет ҳамда кечқурун икки сет ўйнашга мажбур бўлдим. Кўп югурдим ва кучим қолмади. Мен 17 ёшда эмасман, шу сабабли ҳам толиққанман.
Ҳозирда менга уқалаш ва кечки таом керак бўлади. Бу мен учун финалга қадар тикланишимга катта ёрдам беради. Мазкур турнирнинг бош совринини қўлга киритсам, зўр иш бўлар эди,” - дейди Каролин Возняцки .
Эслатиб ўтамиз, Каролин чорак ҳамда ярим финалда америкалик София Кенин ва Сачи Викерини мағлубиятга учратиб, финалда германиялик Юлия Гёргесга қарши кортга чиқади.
Фикрлар