Каррагер: "Челси"да трансферлар кўп, лекин жамоа даражаси ошмаяпти"

Англиялик мутахассис ва собиқ футболчи Жейми Каррагер "Челси" клуби олиб бораётган трансфер сиёсати ҳақида танқидий фикр билдирди.

"Қачон "Челси"ни кузатсам, улар Клублар ўртасидаги Жаҳон чемпионатида нималар қилгани ёдимга тушади. Бу мусобақани барча ютишни хоҳлади: "Реал", ПСЖ, "Манчестер Сити" – ҳаммаси.

Бу турнир Энцо Мареска ва мухлислар ўртасидаги боғланишни тиклашга ёрдам беради. Чунки ўтган мавсумда бундай боғлиқлик деярли йўқ эди.

Лекин бу чемпионлик учун курашга яқинлаштиради, деб ўйламайман. Охирги йилларда "Челси" шунча кўп трансфер қилдики, натижада жамоа ўсмади. Футболчилар алмашяпти, лекин жамоа даражаси – жойида.

Масалан, Коул Палмер ажойиб, лекин қанотдаги бошқа футболчилар ҳам шундай. Гиттенс келди, Мадуэке кетди – натижа ўзгармади. Бу ҳолат жамоанинг кўплаб позицияларида кузатиляпти", – деди Каррагер "The Overlap" дастурида.