Клопп Германия терма жамоасини бошқарадими?

«Ливерпуль» ва Дортмунднинг «Боруссия» клубларида муваффақиятли ишлаган таниқли мутахассис Юрген Клопп Германия терма жамоасига бош мураббий этиб тайинланиши мумкинлиги ҳақидаги саволларга ўз муносабатини билдирди.

Унинг сўзларига кўра, ҳозирча миллий жамоани қабул қилиб олиш масаласини жиддий ўйлаб кўрмаган. Бу ҳақда Клопп Magenta TV телеканалига берган интервьюсида айтиб ўтди.

- Бу ҳақда ҳали ўйлаб ҳам кўрмаганман. Номзодим кўриб чиқилаётганини жуда яхши тушунаман, лекин бу ҳақда ҳозир гапиришнинг мавриди эмас, — деди Клопп.

Эслатиб ўтамиз, Юлиан Нагельсманн бошқарувидаги Германия терма жамоаси жаҳон чемпионатининг 1/16 финалида Парагвайга қарши баҳсда пенальтилар сериясида кутилмаганда мағлубиятга учради ва мусобақани тарк этди. Шунга қарамай, Нагельсманн ҳозирча ўз лавозимини тарк этиш нияти йўқлигини маълум қилган.