Клопп Германия терма жамоасини бошқаришга тайёрлигини тасдиқлади

Юрген Клопп Германия терма жамоаси бош мураббийлиги лавозимини эгаллашга тайёр эканини тасдиқлади.
⠀
Аввалроқ Германия футбол иттифоқи (DFB) Жаҳон чемпионати-2026даги омадсиз иштирокдан сўнг Юлиан Нагельсманн билан шартнома бекор қилинганини эълон қилган эди. Шунингдек, ташкилот Клопп билан музокараларни бошлаганини ҳам расман маълум қилди.
⠀
Ҳозирда "Red Bull" футбол йўналишига раҳбарлик қилаётган мутахассис музокаралар ҳақида шундай деди:
⠀
"Ҳа, музокаралар бўлаётганини тасдиқлайман. Ҳаммаси жуда тез содир бўлди. Нагельсманн истеъфога чиқди, Германия футбол иттифоқи эса янги мураббий изламоқда ва мен билан музокара олиб бормоқда".
⠀
Клоппнинг таъкидлашича, қарор қабул қилишдан аввал "Red Bull" раҳбарияти билан ҳам келишиб олиши лозим.
⠀
"Бунинг учун вақт керак. Менинг "Red Bull" билан амалдаги шартномам бор. Мен музокараларга қизиқиш билдирганман, аммо улар жуда жиддий ўтади. Бу ерда гап фақат Нагельсманннинг ўрнини эгаллаш ҳақида эмас.
⠀
Мен иш берувчим Оливер Минцлафф билан ҳам суҳбатлашишим керак. Биз айрим масалаларни муҳокама қилдик. Ўйлашимча, у менга тўсқинлик қилмайди. Мен бу ерда 19 ойдан бери ишлаяпман ва бу давр жуда сермаҳсул ўтди", — деди Клопп.
⠀
Якунда германиялик мутахассис янги чақириққа тайёрлигини ҳам билдириб ўтди.
⠀
"Мен тайёрман. Музокаралар бошланиши билан инсон тезроқ фикрлай бошлайди. Биз вазиятни тубдан ўзгартиришимиз керак", — деди Клопп.