Клоппни ишдан ҳайдашмоқчи

“Ливерпуль” бош мураббийлигини тарк этганидан кейин  Юрген Клопп “Ред Булл” корпорациясининг футбол йўналиши раҳбари лавозимида ишлаб келаётган эди.

Франциянинг L'Équipe нашри тарқатган хабарга кўра, германиялик мутахассис лавозимидан озод этилиши кутиляпти.

Манба маълумотига кўра, корпорация тизими ва раҳбарият орасида Клоппнинг ишига нисбатан норозилик бор. У айрим қабул қилинган қарорлари учун танқидларга нишон бўляпти.

Таъкидланишича, жорий мавсум якунланганидан сўнг Клопп ўрнини “Кристал Пэлас”нинг амалдаги бош мураббийи Оливер Гласнер эгаллаши мумкин.

Эслатиб ўтамиз, Клопп 2024 йил ёзида “Ливерпуль2 бош мураббийи лавозимини тарк этган эди. 2025 йил январидан буён мутахассис “Ред Булл” тизимида ишламоқда.

Аввалроқ 58 ёшли мураббийга Мадриднинг “Реал” клуби ҳам қизиқиш билдирган эди. Клуб хўжайини Флорентино Перес жамоани айнан Клопп бошқаришини орзу қилаётганини билдирган.