Лапорта: "Ютқазишни ҳам билиш керак"

"Барселона" президенти Жоан Лапорта "Реал"нинг "Олтин тўп"ни бойкот қилгани ҳақида гапирди. "Қироллик клуби" бир йил аввалгидек Париждаги маросимни ўтказиб юборди, ўшанда "Олтин тўп" Винисиус Жуниорга насиб этмаслиги маълум бўлганди. Бу йилги совринни ПСЖ аъзоси Усмон Дембеле қўлга киритди.

-"Реал"нинг позицияси ҳақида қандай фикрдасиз?

 "Билганларини қилишсин. "Барселона" учун қайғурамиз. Мукофотга номзодлар ва ташкилотчиларга ҳурмат юзасидан маросимларда иштирок этамиз.

Биз спортни шундай тушунамиз. Ютиш мумкин, ютқазиш мумкин. Ютқазишни ҳам билиш керак. Омадимиз бор экан, кўп ютяпмиз ва кам ютқазяпмиз", - деди "Барса" президенти Лапорта Catalunya Radio эфирида.