"Lausanne Grand Slam 2026" турнири. Бугун Музаффарбек Тўрабоев татамига чиқади

Швейцариянинг Лозанна шаҳри мезбонлик қилаётган "Катта Дубулға" туркумига кирувчи турнирнинг учинчи куни оғир вазн тоифасида беллашувлар ташкил этилади. 

Бугун мусобақанинг сўнгги куни эркаклар ўртасида -90, -100, +100 кг, аёлларда эса -78, +78 кг вазн тоифаларида ғолиб ва совриндорлар аниқланади. Кун давомида Ўзбекистон терма жамоасининг 9 нафар дзюдочисига мухлислик қиламиз. Улар орасида Париж-2024 Олимпиадаси совриндори, жаҳон чемпиони Музаффарбек Тўрабоев ҳам бор. 

Бугун татамига чиқадиган дзюдочиларимизнинг илк давра баҳслари:

-90 кг: Нурбек Муртазоев – Вугар Талибов (Озарбайжон)/Акаки Жапаридзе (Грузия)
-90 кг: Умар Бозоров – Ноа Кристианс (Белгия)/Лассе Шрейвер (Германия)
-100 кг: Эрназар Сарсенбаев – Марат Байкамуров (Қозоғистон)
-100 кг: Тўлқинбек Турдиев – Максимс Дуиновс (Латвия)
+100 кг: Музаффарбек Тўрабоев – Мунир Эртуг (Туркия)

ҚИЗЛАР
-78 кг: Барчиной Қодирова – Элиза Вроблевска (Польша)
-78 кг: Маржона Кўчимова – Александра Рябченко (Россия) 
+78 кг: Умида Ниғматова – Аида Тоишибекова (Қозоғистон)/Фернанда Куимбира (Ангола)
+78 кг: Ирисхон Қурбонбоева – Оксана Дяценко (Молдова)

Эслатиб ўтамиз, мусобақанинг икки кунлик беллашувларида Арслонбек Тожиев (-81 кг) кумуш, Самариддин Қўчқоров (-60 кг) эса бронза медалини қўлга киритган эди.

Бу ҳақда Ўзбекистон дзюдо федерацияси матбуот хизмати хабар бермоқда.