“Ливерпуль” кўп гол урадиган ҳужумчи топди

“Ливерпуль” ҳужум чизиғини кучайтириш мақсадида “Генк” тўпурари Пол Онуачуни трансфер қилишга қарор қилди.

Бу ҳужумчини қўлга киритиш учун Юрген Клопп жамоаси “Севилья” ва “Лейпциг” билан рақобатлашиши керак бўлади.

Маълумотларга қараганда, “Ливерпуль” скаутлари икки мавсум давомида Пол Онуачунинг ўйинини синчковлик билан кузатиб борган. Бк вақт оралигида Пол Бельгияда 60 та учрашувда майдонга тушиб, рақиблар дарвозасини 42 маротаба ишғол қилди. Шу голлардан 33 тасини жорий мавсумда киритди ва бешта голли пас ҳам оширди.

Юрген Клопп жамоасининг чемпионлик унвонини муносиб ҳимоя қила олмаганини ҳужумдаги шиддат етишмагани билан боғламоқда.

“Ливерпуль” 26 ёшли Пол Онуачуни жамоани тарк этадиган Дивок Ориги ўрнига олиб келади.